ШЫМКЕНТ: Қайнарбұлақты газбен қамту 2024 жылы аяқталады

12.11.2023 21:07

355

Осыған дейін жұмыс көлемінің 46%-ы орындалған.

Бүгінде Шымкент қаласындағы Қайнарбұлақ елдімекенін газдандыру жұмыстары жүргізілуде. Қала әкімі Ғабит Сыздықбеков жауаптылармен бірге 2 кезеңде атқарылып жатқан құрылыс қарқынын қадағалады, деп хабарлайды ERNUR.KZ.

Бірінші кезеңде елдімекенге 233,4 шақырым құбыр тартылады. Қазір газ жүйелерінің 59%-ы жүргізілген. Өндірістік кестеге сәйкес құрылыс жұмыстары 2024 жылдың соңында аяқталады. Нәтижесінде 7 мыңнан астам абонент, 2 мектеп, 2 клиника және балабақша көгілдір отынмен қамтамасыз етіледі.

Екінші кезеңдегі 206,7 шақырым газ құбыры 7 217 отбасын, 9 мектеп, 3 клиника, 5 балабақшаны қамтиды.

Аяқталу мерзімі — келесі жылдың ІII тоқсаны.

Осыған дейін жұмыс көлемінің 46%-ы орындалған.

Қала басшысы жауаптыларға халықтың қауіпсіздігі үшін құрылыс талаптарын сақтауды ескертті. Сондай-ақ жұмыстарды сапалы аяқтап, мерзімінде атқаруды тапсырды.