Шымкентте 248 шаршы метр тұрғын үй өртеніп кетті

Шымкенттегі Базарқақпа тұрғын алабында орналасқан баспана өртеніп кеткен, деп хабарлайды ERNUR.KZ.

Қалалық ТЖД баспасөз қызметінің мәліметінше, өртке оранған қосымша нысан тұрғын үймен жапсарлас соғылған. Ондағы үй-жайда шаруашылық және құрылыс материалдары сақталған. «Өртті сөндіруге ТЖД жеке құрамынан 34 адам және 8 бірлік техникасы тартылды. Өрттің жалпы ауданы 248 шаршы метрді құраған.

Жалпы жыл басынан бері 148 өрт жағдайы тіркелген. Оның салдарынан 4 адам қайтыс болып, 4 адам жарақат алған. Шымкент қаласында өрт жағдайы бүгінгі таңға өткен жылмен салыстырғанда 10,8 пайызға төмендеген. Биыл жазда дала алқаптарында 2 жану оқиғасы орын алды. Оның көлемі 18 га аумақты қамтыды.