Шымкентте «Әлеуметтік қызметтер порталы» іске қосылды

Шымкентте мүмкіндігі шектеулі азаматтарға арналған «Әлеуметтік қызметтер порталы» толық іске қосылды, деп хабарлайды ERNUR.KZ.

Портал арқылы аталған санатқа жататын жандар үйден шықпай-ақ, қажетті қызмет түрлері мен құрал-жабдықтарға тапысырыс бере алады. Ол үшін азаматтың жеке электронды қолтаңбасы (ЭЦҚ) ғана қажет.

«Әлеуметтік қызметтер порталы» 2020 жылдың 3 маусымында пилоттық жоба ретінде іске қосылған. Биылдан бастап порталда азаматтарға арналған 5 түрлі қызмет түрі көрсетіледі.

Олар: «Арнаулы әлеуметтік қызметтер көрсету», «Оңалтудың техникалық құралдарымен қамтамасыз ету», «Ымдау тілі маманы қызметін көрсету», «Жеке көмекші қызметін көрсету» және «Санаторлы-курорттық емдеу қызметін көрсету».