Шымкентте этноауыл аумағында өрт шықты

Шымкент қаласындағы этонауылда өрт шықты, деп хабарлайды ERNUR.KZ.

Бұл туралы Шымкент қаласы Төтенше жағдайлар департаментінің баспасөз қызметі мәлімдеді.

26 тамыз күні түнгі сағат 00.49-да «101» басқару пультіне Әл-Фараби ауданы, Сапақ Датқа көшесі бойында орналасқан құрылыс жұмыстары жүргізіліп жатқан «Шымқала» этноауыл аумағында өрт шыққаны туралы хабар келіп түскен.

Өрт сөндіру бөлімдері шақыру жеріне 7 минутта жетіп келген. Оқиға орнында этоноауыл аумағында орналасқан көлемі 80 шаршы метр бастырма және көлемі 8 шаршы метр қораның қамыс төбе жаппасы жанғандығы анықталған.

Өрт сағат 01:10-да оқшауланып, сағат 01:19-да толығымен сөндірілді. Зардап шеккендер мен қайтыс болғандар жоқ. Қазіргі таңда өрттің шығу себептері анықталуда.

Оқиға орнына Шымкент қаласының Төтенше жағдайлар Департаментінің Өрт сөндіру қызметінің 25 қызметкері мен 5 техникасы жұмылдырылды.