Шымкентте мемлекеттік 13 емхана халыққа медициналық көмек көрсетеді

0
40

Шымкент қаласының балалар клиникалық ауруханасында жылына 5000 нан аса операция жасалады.


Шымкентте мемлекеттік 13 емхана халыққа медициналық көмек көрсетеді
ERNUR.KZ. Шымкент қаласында 13 мемлекеттік емхана халыққа медициналық көмек көрсетуде.

Бұл туралы Өңірлік Коммуникациялар қызметінің алаңында «Денсаулық сақтау саласындағы сыбайлас жемқорлықтың алдын алу шаралары туралы» өткен баспасөз конференциясы кеңінен айтылды.

Барлық емханаларда қызмет тіркеу орнынан басталады. Туындаған барлық сұрақтарға толық жауапты сол жерден алуға болады. Сонымен қатар емханаларда қосымша инфобокстар орнатылып, келушілердің өз-өзіне қызмет көрсету бұрышы ұйымдастырылған. 1 қабатта пациенттерді қолдау қызметі, фронт-офис, комплеанс-офицер барлық туындаған сұрақтарға жауап береді. Мәселен, тұрғындар емханаға тіркелу және қандай қызмет түрлері, жұмысқа байланысты учаскені ауыстыруға, тегін дәрі-дәрмектер туралы және т.б. ақпараттарды комплеанс-офицердің нұсқаулығына сүйене отырып ала алады.

Әр қабатта фойелерде сенім телефондары ілулі тұр, әр дәрігердің есігінде емхана және сол дәрігердің QR коды арқылы тіркелушілер арыз-шағым, алғыс және т.б. өз пікірлерін қалдыруға мүмкіншіліктері бар. Сондай-ақ ДСБ, ФСМС, Фармкомитет, сыбайлас жемқорлыққа қарсы комитеттерінің сенім телефондары қол жетімді.
Жұмысқа орналасу бойынша айтқан басқарма өкілдері вакансия болса заң бойынша 3 жұмыс күні ішінде ЕҢБЕК кз сайтына бос орын бойынша мәлімет орналастырылады, тек жұмыспен қамту орталығына тіркелген азаматтар ғана жолдамамен келеді.

Сонымен қатар, Шымкент қаласының балалар клиникалық ауруханасында жылына 5000 нан аса операция жасалатынын айтты басқарма басшысы.

Шымкент қаласының қалалық балалар клиникалық ауруханасы 0-18 жас аралығындағы балаларға шұғыл және жоспарлы медициналық көмек түрлерін көрсететін көпсалалы, бірегей аурухана.
2020 жылдан бастап қаланың барлық педиатриялық қызметі орталықтандыру мақсатында қосымша профильдер ашылып барлығы 25 клиникалық бейін бойынша медициналық көмек көрсетеді. Ауруханада құрылымында қосалқы МРТ, КТ, ангиограф, рентген, УДЗ, ЭЭГ, РЭГ, ЭКГ, холтер кабинеттері жұмыс істейді. Сонымен қатар, сәулелі және функциональдық диагностикалық бөлімшелері, физиоемдеу, стерилизация орталығы, бактериологиялық - клиникалық лабораториясы, консультативті – диагностикалық блок бар. Бүгінде ауруханада 20 төсектік күндізгі стационары қызмет көрсетеді. Жылына 120 мыңдай науқас келіп қаралып, оның 20 000 ға жуығы емделіп, 5000 нан аса операция жасалынады.

Қоғамның ең басты құндылығы адам дейтін болсақ, барша қоғамның алдындағы өзекті мәселенің бірі – азаматтардың денсаулығын сақтау болып табылады.

Бөлісу