Елімізде желтоқсан айының үшінші жексенбісі Энергетиктер күні аталып өтеді. Мемлекет басшысы Қасым-Жомарт Тоқаев отандық энергетика саласындағы жемісті еңбегі мен елдің инфрақұрылымдық дамуына қосқан үлесі үшін бірқатар энергетика қызметкерлерін марапаттау туралы Жарлыққа қол қойды.
Бүгін Шымкентте қала әкімі Ғабит Сыздықбеков Қазақстан Республикасы Президентінің атынан Шымкент қаласының энергетика саласындағы үздік мамандарды “Құрмет” орденімен, “Ерен еңбегі үшін” медалімен және алғыс хаттармен марапаттады.
Марапаттау барысында мегаполис басшысы энергетик мамандығы әрқашанда сұранысқа ие болып қалатынын айтты. Үйдегі жарық, жылу, тіпті су да— энергетиктердің еңбегінің нәтижесі. Энергетика саласы ауқымды және үнемі білікті мамандарға мұқтаж. Алдағы жыл елімізде Жұмысшы мамандықтар жылы деп жарияланды. Бұл маңызды шешім жұмысшы мамандықтарының беделін арттыруға септігін тигізеді.
Қала әкімі барлық энергетиктерді кәсіби мерекелерімен құттықтап, мықты денсаулық, амандық және ауыр еңбектерінде одан әрі табыс тіледі.
