Іс шараға 30-дан астам жергілікті жастар мен жасөспірімдер қатысты.
Шымкент қаласы «Жастар ресурстық орталығы» Еңбекші ауданы мамандарының ұйымдастыруымен шалғай елді-мекенінде орналасқан жастар мен жасөспірімдер арасында спорт түрлерінен арнайы іс-шара өтті, деп хабарлайды ERNUR.KZ.
Аталған іс-шара шалғай ауданда орналасқан Тоғыс елдімекенінде өткізілді. Іс шараға 30-дан астам жергілікті жастар мен жасөспірімдер қатысты.
Аталмыш шараның мақсаты:
- Бұқаралық спортты дамыту;
- Шалғайда орналасқан жастарды спортқа тарту;
- Жастар мен жасөспірімдердің бос уақытын тиімді пайдалану;
- Салауатты өмір салтын қалыптастыру.
Сондай-ақ шара барысында футбол, дойбы, шахмат спорт түрлері бойынша жарыс өткізілді. Сонымен қатар елді-мекендегі тұрғылықты жастарға мемлекеттік бағдарламалар бойынша ақпараттандыру жұмыстары жүргізілді.
