Жыл басынан бері бірқатар жер учаскелері бойынша өтемақы төленіп, жекелеген меншік иелеріне тең бағалы жер учаскелері ұсынылды.
Шымкент қаласының Жер қатынастары басқармасы жер ресурстарын тиімді басқару, бюджет кірістерін ұлғайту және мемлекеттік қажеттіліктерді қамтамасыз ету бағытындағы жұмыстарды жүйелі түрде жүзеге асырып келеді.
2026 жылы жер учаскелерін сату, жалға беру және жалға алу құқығын сату нәтижесінде қалалық бюджетке жоспардан жоғары көлемде түсім қамтамасыз етілді. Аукцион арқылы жер учаскелерін өткізу тетігі тиімді қолданылып, бюджет кірісін арттыруға елеулі үлес қосты.
Қала аумағында жер пайдалану мен құрылыс саласын реттеу бағытындағы жұмыстар тұрақты жүргізілуде. Құзырлы мемлекеттік органдармен бірлесіп жер заңнамасының сақталуын қамтамасыз ету, қала аумағын ретке келтіру және жер ресурстарын тиімді пайдалану бойынша кешенді шаралар қолға алынуда.
Мемлекет мұқтажы үшін жер учаскелерін иеліктен шығару жұмыстары заң талаптарына сәйкес жүргізілуде. Жыл басынан бері бірқатар жер учаскелері бойынша өтемақы төленіп, жекелеген меншік иелеріне тең бағалы жер учаскелері ұсынылды. Бұл жұмыстар инфрақұрылымдық жобаларды іске асыруға және қаланың әлеуметтік-экономикалық дамуын қамтамасыз етуге мүмкіндік беруде.
Шымкент қаласының Жер қатынастары басқармасы алдағы уақытта да жер қатынастары саласындағы мемлекеттік саясатты тиімді іске асырып, тұрғындарға сапалы мемлекеттік қызмет көрсетуді, жер ресурстарын ұтымды пайдалануды және қаланың тұрақты дамуына бағытталған жобаларды жүйелі түрде жалғастырады.
