Астана қаласында «Жарқын болашақ» республикалық олимпиадасының қорытынды кезеңі өтті. Білім мен өнер сайысында бақ сынаған шымкенттік оқушылар жоғары нәтиже көрсетіп, жүлделі орындардан көрінді.
Атап айтқанда Тәуке хан атындағы №85 мектептің оқушысы Бекарыс Рүстем білгірлер бәйгесінде 2-орын алды.
С.Ерубаев атындағы №24 IT мектеп-лицейдің оқушысы Батырхан Байданов «Әнші бұлбұлдар» номинациясында, ал Білім-инновация №1 лицей-интернатының оқушысы Мадияр Жүнісов сөз шеберлерінің арасында 3-орынға иелік етті.
Сонымен қатар, олимпиада барысында үздік өнер көрсеткен Батырхан Байдановқа Өзбекәлі Жәнібеков атындағы Оңтүстік Қазақстан педагогикалық университетінің ішкі білім гранты табысталды.
