Бокстан Қазақстан біріншілігінде Назым Қызайбай финалға шықты

23.12.2024 18:07

120

Ерлер арасында 48 келі салмақта 2021 жылғы әлем чемпионы Теміртас Жүсіпов жартылай финалда түркістандық Нұрғиса Тұрабековті 5:0 есебімен жеңді.

Фото: Қазақстан бокс федерациясы

ERNUR.KZ. Қарағанды қаласында өтіп жатқан ересектер арасындағы Қазақстан біріншілігінде финалға шыққан бірқатар боксшы анықталды, деп жазады inform.kz.

Енді ол финалда Жамбыл облысынан келген Нұрзат Оңғаровпен шеберлік байқасады.

Ал қыздар арасында қос дүркін әлем чемпионы, 2024 жылғы Олимпиада ойындарының қола жүлдегері Назым Қызайбай (48 келі) жартылай финалда Әнел Құдайбергенді (Жетісу облысы) тізе бүктірді. Оның финалдағы қарсыласы — Ақбота Болат (Қызылорда облысы).

Сондай-ақ қос дүркін Азия чемпионы және әлем чемпионатының бірнеше дүркін жүлдегері Алуа Балқыбекова (50 келі) жартылай финалда Гүлназ Бөрібаеваның (Қарағанды облысы) осал тұсын тапты. Енді ол финалда Гүлнар Тұрапбаймен (Қарағанды облысы) кездеседі.

Ел біріншілігінде қос дүркін Азия чемпионы, әлем чемпионатының күміс және қола жүлдегері Жайна Шекербекова (54 келі) да жартылай финалда Сымбат Әлиаскарды (Жамбыл облысы) жеңіп, финалда Элина Базаровамен (Шымкент) кездесетін болды.

Ел біріншілігінде 60 келіде Серік Теміржанов (Павлодар облысы) жартылай финалда Шыңғыс Мусиновтан (Ақмола облысы) басым түссе, енді ол финалда Талғат Сырымбетовпен (Қарағанды облысы) шеберлік байқасады.

Айта кетсек, бүгін ел біріншілігінде жартылай финал басталды.