"Челси" италиялық "Миланмен" жолдастық кездесу өткізіп, қарсыласын 3:0 есебімен жеңді.
© Photo : Страница ФК "Кайрат" в соцсетях
ERNUR.KZ. Қазақстан құрамасының 17 жастағы шабуылшысы Дастан Сәтпаев лондондық "Челси" сапындағы алғашқы жүлдесіне ие болды, деп жазады sputnik.kz.
8 тамызда Индонезияның Джакарта қаласында "Челси" маусым алдындағы Indonesia Super Cup турнирі аясында италиялық "Миланмен" жолдастық кездесу өткізді. Лондондық клуб қарсыласын 3:0 есебімен жеңді.
"Челси" сапынан Жоау Педру дубль жасаса, тағы бір голды Мойсес Кайседо соқты. Кездесуден кейін лондондық клуб ойыншыларына чемпиондық кубок табысталды", - деп жазды портал.
Дастан Сәтпаев матчқа өтінімге енгенімен, ойын бойы қосалқы құрамда қалды. Қазақстандық шабуылшы бұған дейін "Челсидің" Азиядағы маусым алдындағы турнесінде үш жолдастық кездесуге қатысып, негізгі команда сапындағы алғашқы голын да соққан болатын.
Енді Хаби Алонсо шәкірттері Азиядағы турнесін жалғастырады. "Челси" келесі жолдастық матчын 9 тамызда Малайзияның "Джохор Дарул Такзим" клубына қарсы өткізеді.
