Кездесу 11 маусымда Сомбатхей қаласының «Халадаш» стадионында болады.
ERNUR.KZ. Футболдан Қазақстан құрамасы маусым айында Әзербайжанмен жолдастық кездесу өткізеді, деп жазады inform.kz.
Кездесу 11 маусымда Сомбатхей қаласының «Халадаш» стадионында болады. Басталуы Астана уақытымен 21:00-ге белгіленген.
Қос құрама бұған дейін 10 мәрте кездесті. Оның 5-де жеңіске жетсе, 2-і тең аяқталып, 3-де қарсыласына жол берді.
Сондай-ақ, қазақстандық футболшылар 7 маусымда Армения астанасы Ереванда сол елдің құрамасымен шеберлік байқасады.
Айта кетсек, УЕФА Ұлттар лигасының 2024/25 маусымының жеребе тарту қорытындысы бойынша Қазақстан В лигасында Австрия, Норвегия және Словения құрамаларымен бірге үшінші топқа түсті.
Қазақстандық футболшылар алғашқы ойынын өз алаңында Норвегияға қарсы өткізеді.
