Футзалдан Аргентина құрамасы 2016 жылы әлем чемпионатында қарсылас шақ келтірмей, чемпион атанған болатын.
ERNUR.KZ. Футзалдан Қазақстан ұлттық құрамасы 2024 жылғы әлем чемпионаты қарсаңында Аргентина құрамасына қарсы матч өткізеді, деп жазады stan.kz.
Футзалдан Қазақстан құрамасы әлем чемпионаты қарсаңында Тәжікстан, Иран және Аргентина құрамаларына қарсы жолдастық матч өткізеді. Ең бірінші Қазақстан құрамасы Тәжікстанмен 22 және 24 тамыз күндері "Сайран Аренада" ойнаса, Иранға қарсы екі жолдастық матч 30 тамыз және 1 қыркүйек күндері Жақсылық Үшкемпіров атындағы жекпе-жек сарайында өтеді. Футзалшыларымыз соңғы жолдастық кездесуін 7 қыркүйек күні әлем чемпионы Аргентина құрамасына қарсы өткізеді. Матч "Алматы Арена" спорт кешенінде өтеді.
Айта кетейік, футзалдан Аргентина құрамасы 2016 жылы әлем чемпионатында қарсылас шақ келтірмей, чемпион атанған болатын.
