Геннадий Головкиннің келесі жекпе-жегі өтетін күн ресми түрде жарияланды

ERNUR.KZ. IBO және IBF тұжырымы бойынша орта салмақтағы чемпион Геннадий Головкин келесі жекпе-жегін 18 желтоқсанда өткізеді, деп жазады Stan.kz.

Жекпе-жек уақытын DAZN стримингтік қызметі Instagram-дағы парақшасында ресми түрде жариялады.

GGG поляк боксшысы Камил Шереметаға қарсы күресте міндетті түрде IBF титулын қорғайды.

"Шоудың үлкен драмасы 18 желтоқсанда оралады", - делінген жазбада.

Қазақстандық спортшы да рингке қайта оралғанын Instagram-да хабарлады және рекордтық 21-ші рет титулды қорғауға бет алғанын атап өтті.

Головкин мен Шеремета арасындағы жекпе-жек Холливуд қаласындағы (Флорида, АҚШ) Hard Rock Holly қонақ үй-казиносында өтеді. Шоуды DAZN стримингтік қызметі көрсетеді.

Алдыңғы жекпе-жекті Головкин өткен жылдың қазан айында Нью-Йоркте өткізіп, украиналық Сергей Деревянченконы жеңді.