Қазақстандық ауыр атлет Астанада өткен Азия чемпионатында сенсация жасады

0
120

Қазақстандық ауыр атлет Әлихан Әскербай Астанада өтіп жатқан жасөспірімдер мен жастар арасындағы Азия чемпионатында алтын медаль жеңіп алды.


Қазақстандық ауыр атлет Астанада өткен Азия чемпионатында сенсация жасады

Сурет: ҚР ҰОК

ERNUR.KZ. Әлихан Әскербай үш әлем рекордын жаңартып, ауыр атлетикадан жасөспірімдер арасындағы Азия чемпионатында топ жарды, деп жазады zakon.kz.

ҰОК мәліметіне сүйенсек, қазақстандық ауыр атлет Әлихан Әскербай Астанада өтіп жатқан жасөспірімдер мен жастар арасындағы Азия чемпионатында алтын медаль жеңіп алды.

Сонымен қатар спортшы үш Азия рекордын және үш әлем рекордын жаңартты.

"Қоссайыстың қорытындысы бойынша қазақстандық зілтемірші 310 (141+169) келіні еңсерді. Жасөспірімдер арасындағы жарыста ол бірінші орынға ие болды",- деп жазды ведомство.

Сондай-ақ, Әлихан Әскербай жастар арасындағы Азия чемпионатында да жүлдегер атанып, қола медальді еншіледі.

Айта кетейік, бұған дейін ел қоржынына екі медальді Ксения Прозорова салған болатын. Ол U17 санатында бірінші орынға ие болып, 20 жасқа дейінгі атлеттер арасында күміс жүлдегер атанды.