ТҮРКІСТАН: Журналистер арасында шағын футболдан "Жаңарған Түркістан" турнирі өтеді

0
1 137

Түркістан қаласында 5 сәуір күні шағын футболдан БАҚ өкілдері арасында «Жаңарған Түркістан» республикалық турнир өтеді. Жарыстың мақсаты – жұртшылықты бұқаралық спортқа баулу, журналистер арасында салауатты өмір салтын насихаттау, Түркістанды спорт орталығы ретінде дамыту.


ТҮРКІСТАН: Журналистер арасында шағын футболдан

5 сәуірде Түркістан қаласында шағын футболдан БАҚ өкілдері арасында «Жаңарған Түркістан» республикалық турнирі өтеді - деп хабарлайды ERNUR.KZ.

Жарыстың мақсаты – жұртшылықты бұқаралық спортқа баулу, журналистер арасында салауатты өмір салтын насихаттау, Түркістанды спорт орталығы ретінде дамыту. Сонымен бірге жаңа облыс орталығы – Түркістанның оң имиджін қалыптастыру көзделген.

Дүбірлі бәсеке қарсаңында республикамыздағы беделді телеарналар мен басылымдардың журналистеріне өңірдегі киелі орындар мен кәсіпорындарға пресс-тур ұйымдастырылады. БАҚ өкілдері Түркістан қаласындағы құрылыс нысандарын да аралап көреді. Сонымен бірге Олимпиада чемпионы Бекзат Саттарханов атындағы халықаралық бокс турнирінің финалдық бәсекелерін тамашалайды.
Бүгінде «Жаңарған Түркістан» республикалық турниріне Астана, Алматы, Шымкент қалалары мен БҚО, Жамбыл, Қызылорда, Алматы, СҚО және Түркістан облысының журналистерінен құралған командалар қатысуға өтініш білдірген.
Турнир 5 сәуірде Түркістандағы «Астана» спорт кешенінде өтеді. Бірінші орын алған командаға 500 мың, екінші орынға – 300 мың, ал, қола жүлдегерге 150 мың теңге тапсырылады. Сондай-ақ турнирдің үздік қақпашысы, шабуылшысы, қорғаушысы және ең мықты ойыншысына марапатталса, тағы 3 ойыншыға О.Жарылғапов, Ә.Нұрмаханов және Б.Саттарханов атындағы арнайы жүлделер тапсырылады.
Республикалық турнирдің ұйымдастырушысы – Түркістан облысы әкімдігінің ішкі саясат басқармасы.

Дереккөз: Түркістан облысы Өңірлік коммуникациялар қызметі