ТҮРКІСТАН: Қала әкімі жас патриотқа алғыс хат табыстады

Түркістан қаласының 11 жасар тұрғыны Нұрболат Тасболат қала әкімі Рашид Аюповпен кездесті, деп хабарлайды ERNUR.KZ.

С. Ерубаев атындағы №7 мектеп-интернаттың оқушысы көшелердің біріндегі қоқысты жинап, қалаға деген сүйіспеншілігін білдірген болатын. Баланың суреті әлеуметтік желілерде пайда болды. Бүгін қала басшысы Р. Аюпов жас патриотқа алғыс хат және мектепке қажет құралдар салынған рюкзак табыс етті.

«С.Ерубаев атындағы №7 мектеп-интернаты» КММ-нің 6 «б» сынып оқушысы Тасболат Нұрболат – оқу екпіндісі, көп балалы (5) отбасынан шыққан, тәрбиелі оқушы. Мектепте де қоғамдық жұмыстарға жақсы қатысады. Ата-аналары еңбекқор жандар, мінезі ашық, достары мен сыныптастарымен жақсы араласады. Мектепте «Сөз маржаны» үйірмесіне қатысады»,- деді Директордың тәрбие ісі жөніндегі орынбасары Арқабаева Қалбибі.