ТҮРКІСТАН: Кентауда рәміздер алаңы салынбақ

15.07.2019 14:37

1 507

Жиында талқыланған мәселелер барысында аталған белгінің орнына Рәміздер алаңын салу туралы ұсыныс айтылды. Көпшілікте қолдау білдірді.

Кентау қаласының орталығындағы Ясауи аллеясының бойынан Рәміздер алаңы бой көтеруі мүмкін – деп хабарлайды ERNUR.KZ тілшісі.

Бұл жайында қалалық мәслихат депутаттары мен қоғамдық кеңес мүшелерінің арасында өткен кездесуде айтылды.

Ел Тәуелсіздігінің 20 жылдығына орай Кентау қаласындағы Ясауи даңғылы бойындағы аллеяда арнайы белгі орнатылған болатын. Дегенмен, сыртқы шынылары сынып, көркі бұзылған нысанға қала тұрғындары сын тағып, алып тастау керектігі жөнінде ұсыныс айтып жүретін.

Сондай-ақ, жиында 2018-2019 оқу жылының қорытындысы бойынша қалалық білім беру бөлімінің басшысы Әділ Әуелбеков, халықты әлеуметтік қолдау аясында қалалық жұмыспен қамту және әлеуметтік бағдарламалар бөлімі басшысының міндетін атқарушы Әлия Усманбетова, қалада жүргізіліп жатқан құрылыс нысандары мен жобалар туралы қалалық сәулет және қала құрылысы бөлімі басшысының міндетін атқарушы Орынбай Дәулетшиев баяндап өтті.