Түркістан облысында мектеп жәрмеңкелері өткізіліп жатыр

Түркістан облысының басым бөлігінде мектеп жәрмеңкесі өтуде, деп хабарлайды ERNUR.KZ.

Алғашқы қоңырау қарсаңында облыс әкімі Өмірзақ Шөкеевтің тапсырмасына сәйкес, Түркістан облысының басым бөлігінде мектеп жәрмеңкесі өтуде.

Аудан-қалаларда өтіп жатқан жәрмеңкеде өңірдің жеңіл өнеркәсібін дамытушы («Алтын адам», «Заря» «Гауһар», «Бақыт» т.б) кәсіпкерлер тігетін сапалы мектеп формалары мен аяқ киім, сондай-ақ, канцеляриялық тауарлар нарық бағасынан 5-10 пайызға арзандатылып сатылуда.

Жәрмеңкеде сатылатын оқушы киімінің сапасының жоғары болуына баса мән беріліп отыр. Мұндай жәрмеңке облыстағы 17 аудан-қаланың барлығында 20-22 тамыз аралығында үш күн бойы өткізіледі.

Одан бөлек, жаңа оқу жылына әлеуметтік осал топтағы отбасы балаларын мектеп формасымен және мектеп құралдарымен қамтамасыз ету үшін облыстық бюджеттен 1,9 млрд теңге қаржы бөлінген. Қаржы 52 мыңнан астам баланың ата-аналарының есепшоттарына аударылуда.