АҚШ-та торнадо соғып, 5 адам қаза тапты

0
470

Құрбандардың ішінде 4 айлық бала бар.


АҚШ-та торнадо соғып, 5 адам қаза тапты

ERNUR.KZ. АҚШ-тың орталық штаттарында қайта-қайта соққан торнадодан кемінде 5 адам қаза тапты. Құрбандардың ішінде 4 айлық бала бар, деп жазады zakon.kz.

Сонымен қатар ондаған мың адам жарықсыз қалып, талай үй жермен-жексен болып, бір Оклахоманың өзінде 100 шақты тұрғын жараланды.

Құрама Штаттардың Ұлттық метеорология қызметінің ескертуінше, қазір 7 миллиондай адамға торнадодан қауіп төніп тұр.

Ал Шығыс Техастан Иллинойс пен Висконсинға дейінгі аралықта тұратын 47 миллион америкалыққа алапат дауыл соғатыны, жауын құятыны және бұршақ жауатыны хабарланды.

Ал солтүстік-батыс Техастан Канзас пен Миссуриге дейінгі кеңістікте 40 жуық торнадо соғуы мүмкін.