Дәрігер науқаспен бірге жындыханадан қашып бара жатқанда ұсталды

АҚШ-тың тәртіп сақшылары Арканзас қаласының 46 жастағы тұрғыны, ес-ақылында ауытқушылығы бар Кори Чапинді Невада штатында қолға түсірді, - деп жазады Ernur.kz тілшісі.

New York Post басылымының хабарлауынша, науқас еркектің қашып шығуына көмектескен психолог-дәрігер Мишель Мессер кейін онымен бірге бой тасалап жүрген жерінде ұсталған. Дәрігер әйелдің неліктен мұндай әрекетке барғаны әлі анықталу үстінде. Десе де, Кори Чапин 2015 жылы адам ұрлау қылмысын жасап, бірақ тергеу кезінде оның жынды екені белгілі болған соң аталмыш емханаға жіберіледі.