Ердоған Зеленскиймен және Путинмен келіссөздер жүргізетінін айтты

ERNUR.KZ Түркия президенті Режеп Тайып Ердоған Украина президенті Владимир Зеленскиймен және Ресей президенті Владимир Путинмен сөйлесуді жоспарлап отыр, деп жазады Stan.kz

Брюссельдегі НАТО саммитінен кейін журналистерге сөйлеген сөзінде Ердоған алдағы күндері украиндық және ресейлік әріптестерімен бөлек сөйлесетінін айтты.

"Бүгін (25 наурыз күні – ред.) мен Зеленскиймен сөйлесемін. Путинмен келіссөздер демалыс күндері немесе келесі аптаның басында болуы мүмкін", - деді Түркия президенті.

Түркия басшысы НАТО саммитін Украина және Ресей президенттерімен талқылайтынын айтты.

Ердоған Түркияның географиялық жағдайы Ресей мен Украина қарым-қатынасына байланысты бұл қақтығыста ерекше орынға ие екенін атап өтті.

Сондай-ақ, Түркияның энергияға мұқтаждығы мен ынтымақтастығы себепті Ресейге санкция сала алмайтынын мәлімдеді.

“Біз тұтынатын табиғи газдың жартысына жуығын Ресейден сатып аламыз. Сонымен қатар, біз "Ақкүй" атом электр стансасын Ресеймен бірлесіп салып жатырмыз. Оны жылы жауып қоя алмаймыз. Сондықтан бұл жерде ештеңе істеуге болмайды. "Біріншіден, мен өз халқымды Ресейден ажырата алмаймын. Қыста суық, екіншіден, мен біздің өнеркәсіпті тоқтата алмаймын”, – деп түсіндірді Ердоған.

Бұған қоса, Түркия президенті украиндық және ресейлік келіссөзшілер бейбіт келіссөздер барысында талқыланған алты негізгі мәселенің төртеуі бойынша келісімге келе алғанын, тек шығыстағы Донбас пен Қырымға қатысты аймақтық даулар ғана қалғанын баса айтты.

Бұған дейін Түркия президенті Режеп Тайып Ердоған өзін Украинаға қатысты қақтығыстар бойынша бітімгер ретінде көрсеткен болатын. Түркия Киевтің маңызды одақтасы болып табылады, бұл елдер қару-жарақ жеткізу бойынша бірнеше келісімшартқа қол қойған.

Анкара сонымен қатар Украинаның НАТО-ға кіру ұмтылысын да қолдайды.