Еуропарламент Ресейге қарсы жаңа санкцияларды қолдайды

0
1 279

Еуропалық Парламент бұған дейін Еуропалық комиссия мен ЕО-ның халықаралық серіктестері жариялаған Ресейге қарсы жаңа шектеу шараларын қолдайды.


Еуропарламент Ресейге қарсы жаңа санкцияларды қолдайды

ERNUR.KZ. Санкциялар, негізінен, Ресейді SWIFT-тен аластатуға, Ресей Орталық банкі қызметін шектеуге, сондай-ақ ресейлік бизнес өкілдерін халықаралық қаржы активтерін пайдалану мүмкіндігінен айыруға бағытталады, деп жазады Zakon.kz.

Еуропалық Парламент бұған дейін Еуропалық комиссия мен ЕО-ның халықаралық серіктестері жариялаған Ресейге қарсы жаңа шектеу шараларын қолдайды. 1 наурыздағы кезектен тыс пленарлық отырыста осыған қатысты қарар қабылдауды жоспарлап отыр.

ЕП төрағасы Роберт Метсоланың айтуынша, заң шығарушылар бұл шаралардың тез қабылдануына ықпал етеді.

26 ақпанда Еуропалық комиссияның басшысы Урсула фон дер Ляйен Еуропалық одақ АҚШ, Ұлыбритания және басқа серіктестермен бірлесіп Ресейдің бірқатар банктерін SWIFT халықаралық банкаралық жүйесінен аластатуға, Ресей Орталық банкінің қызметін шектеуге, сондай-ақ ресейлік бизнес өкілдерін өздерінің халықаралық қаржылық активтерін пайдалану мүмкіндігінен айыруға бағытталған шаралар әзірлегенін айтты.

Еуропалық одақ пікірінше, бұл шаралар Ресейдің оқшаулаумен қатар "Ресейдің соғысты қаржыландыру қабілетін едәуір төмендетеді".