Газа секторында тамақ ұрлау көбейді

ERNUR.KZ. 2,5 ай шектеуден кейін Израиль өңірге гуманитарлық көмекті өткізуге рұқсат берді. Бүгін Газаға жүк тиелген 100 көлік кіруі тиіс, деп жазады inbusiness.kz.

"Онсыз да тұрғындарға жетпей жатқан азық-түлікті ұрлап, сататындар көбейді", - дейді БҰҰ өкілдері.

Ал, 2 миллионға жуық адамға тәулігіне кемі 500 көлік азық-түлік жеткізу қажет.

"Көмекті көбейту керек. 100 жүк көлігінің өзі өте аз. Газаға азық-түлік неғұрлым аз жеткізілсе, соғұрлым тұрғындар арасында үрей арта түсіп, олар тамақ үшін осындай жаман әрекетке барады. Үмітсіз, жарақаттанған адамдар. Газа тонау, ұрлық және зорлық-зомбылық толқынымен бетпе-бет келіп отыр", - деп мәлімдеді БҰҰ-ның гуманитарлық сұрақтарды үйлестіру жөніндегі басқармасының өкілі Йенс Лерке.