Грузияда шағын автобус 400 метрлік құздан құлап кетті

ERNUR.KZ. Пшавели-Абано-Омало асуында 400 метрлік биіктіктен шағын автобус құлап кетті, деп жазады «Хабар 24».

Алдын ала мәлімет бойынша автобуста 12 адам болған. Олардың кейбірі автобус құлап бара жатқанда секіріп үлгерсе, қалғаны автобуспен бірге құлады. Оқиға орнында құтқару операциясы жүріп жатыр. Тірі қалғандар тікұшақпен Телави қаласының ауруханасына жеткізілді.

Жол апаты шағын автобус жүргізушісінің рөлге ие бола алмай қалуынан болған.