Өзбекстандық қорғаушы Азияның ең қымбат футболшысы атанды

ERNUR.KZ. Transfermarkt порталы Англия Премьер-лигасында өнер көрсететін футболшылардың жаңартылған трансферлік құнын жариялады, деп жазады inbusiness.kz.

Жаңа бағалауға сәйкес, өзбекстандық қорғаушы Абдуқодир Хусановтың нарықтағы құны 15 миллион еуроға өсіп, 50 миллион еуроға жетті.

Осының нәтижесінде 22 жастағы футболшы Азиядағы ең қымбат ойыншы атанды. Ол бұл көрсеткіш бойынша жапониялық Кайсю Сано мен Такефуса Кубоны басып озды. Қазіргі таңда Саноның трансферлік құны 40 миллион еуро болса, Кубо 30 миллион еуроға бағаланып отыр.

Азиядағы ең қымбат футболшылардың ТОП-10 рейтингі:

1. Абдуқодир Хусанов (Өзбекстан, "Манчестер Сити") — 50 млн еуро
2. Кайсю Сано (Жапония, "Майнц") — 40 млн еуро
3. Такефуса Кубо (Жапония, "Реал Сосьедад") — 30 млн еуро
4. Ли Кан Ин (Оңтүстік Корея, ПСЖ) — 28 млн еуро
5. Юито Судзуки (Жапония, "Фрайбург") — 24 млн еуро
6. Каору Митома (Жапония, "Брайтон") — 22 млн еуро
7. Ким Мин Джэ (Оңтүстік Корея, "Бавария") — 20 млн еуро
8. Зион Судзуки (Жапония, "Парма") — 20 млн еуро
9. Хироки Ито (Жапония, "Бавария") — 18 млн еуро
10. Аясе Уэда (Жапония, "Фейеноорд") — 17 млн еуро

Сарапшылар Абдуқодир Хусановты Еуропа футболындағы ең қарқынды дамып келе жатқан жас қорғаушылардың бірі ретінде бағалайды. Оның трансферлік құнының айтарлықтай өсуі футболшының жоғары деңгейдегі ойыны мен әлеуетінің көрсеткіші ретінде қарастырылуда.