Бұған дейін Украина бойынша конференцияға мемлекет және үкімет басшылары деңгейіндегі 160-тан астам делегация шақырылғаны хабарланды. Онда Ресейдің өкілдері болмайды.
ERNUR.KZ. Швейцарияда өтетін Украина бойынша конференцияға 90 мемлекет пен ұйым қатысады, деп жазады sputnik.kz.
"Қазіргі уақытта 90 мемлекет пен ұйым Бюргеншток тауында өтетін Украинадағы бейбітшілік мәселелері жөніндегі саммитке қатысу үшін тіркелді. Мемлекеттердің жартысына жуығы Еуропадан, қалған жартысы басқа құрылықтардан келеді", - делінген министрлер кабинеті сайтындағы мәлімдемеде.
Сондай-ақ конференция 15 маусым күні түстен кейін пленарлық отырыспен басталатыны хабарланды. Ал 16 маусымда жұмыс топтары ядролық қауіпсіздік, кеме қатынасы еркіндігі және азық-түлік қауіпсіздігі тақырыптарын, сондай-ақ гуманитарлық тақырыптарды егжей-тегжейлі талқылайды. Конференцияның қорытындысы бойынша қорытынды акт жасалады.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
