Тибеттегі жер сілкінісінен зардап шеккендер саны 65-ке жетті

0
168

Бейсенбі күні Бейжің уақыты бойынша сағат 22:33–те тіркелген жер сілкінісінің эпицентрі Нагчу қаласына қарасты Бацин уезінде болды.


Тибеттегі жер сілкінісінен зардап шеккендер саны 65-ке жетті

Фото: Xinhua

ERNUR.KZ. Қытайдың оңтүстік-батысындағы Сицзан (Тибет) автономиялық ауданында болған 7,0 балдық жер сілкінісінен 16 адам қаза тауып, жарақат алғандар саны 65-ке жетті, деп жазады inform.kz.

Бейсенбі күні Бейжің уақыты бойынша сағат 22:33–те тіркелген жер сілкінісінің эпицентрі Нагчу қаласына қарасты Бацин уезінде болды.

Қытай төрағасы Си Цзиньпин іздеу-құтқару жұмыстарын жүргізу және зардап шеккендерге шұғыл медициналық көмек көрсету үшін барлық қажетті ресурстарды жұмылдыруды тапсырды.

Аймақтық төтенше жағдайларды басқару орталығының мәліметінше, Тибетте 2-деңгейлі төтенше жағдай жарияланды.

Апат аймағына құтқару және көмек көрсету жұмыстарын үйлестіру үшін арнайы жұмыс тобы жіберілді.

Бұған дейін апат салдарынан 16 адам қаза тауып, 32 адам зардап шеккені хабарланған.