Түркиядағы сайлау: үшінші кандидат Ердоғанды қолдады

ERNUR.KZ. 22 мамырда Түркиядағы президенттік сайлауға үшінші үміткер Синан Оган бірінші турда ең жақын бәсекелесі Кемал Киличдароғлудан бірнеше пайыз озып кеткен қазіргі президент Режеп Тайып Ердоғанды қолдады, деп жазады azattyq-ruhy.kz.

Осылайша, Оган оппозициялық кандидат Кылычдароғлудың жақындап қалған екінші турдағы жағдайын қиындатты.

Науқан басталғанға дейін көпшілікке аса танымал болмаған ұлтшыл Синан Оган 14 мамырда өткен президенттік сайлауда 5,2% жинады.

Оганның айтуынша, Киличдароғлу «бізді болашаққа деген көзқарасына сендіре алмады», ал Ердоғанды қолдау туралы шешім «терроризмге қарсы тұрақты күрес» қағидатына негізделген.

Сарапшылардың пікірінше, Оганның қолдауы Ердоғанға көмектесуі керек, бірақ бұл оның жақтастарының арасында алауыздыққа әкелуі мүмкін.

Естеріңізге сала кетейік, сайлаудың бірінші турының қорытындысы бойынша Ердоған сайлаушылардың 49,51% дауысын, ал Киличдароғлу оппозициясының жетекшісі 44,88% дауыс жинаған болатын. Президент сайлауының екінші туры 28 мамырда өтеді.