Коллаж: Canva
ERNUR.KZ. Қаржы министрлігі жариялаған 2026-2028 жылдарға арналған республикалық бюджеттің жобасында келер жылы қазақстандықтар МӘМС-ке қанша ақша аударатыны айқындалған, деп жазады kaz.inform.kz.
“ Жасына байланысты зейнетақы төлемдеріне және еңбек сіңірген жылдары үшін зейнетақы төлемдеріне жұмсалатын қаражат 2026 жылғы 1 қаңтардан бастап олардың мөлшерлерін 10 пайызға көтеру ескеріле отырып көзделген деп белгіленсін “, — деп жазылған құжатта.
Сондай-ақ, 2026 жылғы 1 қаңтардан бастап Әлеуметтік медициналық сақтандыру қорына төленуге жататын, мемлекеттің міндетті әлеуметтік медициналық сақтандыруға жарналарының мөлшері мемлекет жарналарын есептеу объектісінің 2 пайызы болып белгiленетіні айтылған.
“ 2026 жылғы 1 қаңтардан бастап әскери қызметшілерге (мерзiмдi қызметтегі әскери қызметшілерден басқа) және арнаулы мемлекеттік органдар мен құқық қорғау органдарының, мемлекеттік фельдъегерлік қызметтің қызметкерлеріне тұрғынжайды күтіп-ұстауға және коммуналдық қызметтерге ақы төлеуге ақшалай өтемақының айлық мөлшерi 3 739 теңге сомасында белгiленсiн “, — делінген құжатта.
![](/assets/thumbnails/a2/a23553401aed014aa4ac22cb850d79c6.jpg ""Абысыныммен тату болғаным оған ұнамайды": жас келін енесінің қылығын түсіне алмай жүргенін айтты")
![](/assets/thumbnails/59/59e010c387133d5bba75a154fe770c1a.jpg ""10 жылда 88 келі қостым": Рамазан Амантай артық салмақпен күресуді бастады")
