Ұлттық тестілеу орталығының мәліметінше, емтиханды 3 577 үміткер тапсырады.
ERNUR.KZ. 11 шілде мен 3 тамыз аралығында докторантураға түсу емтиханына өтініш қабылданды, деп жазады inform.kz.
Ұлттық тестілеу орталығының мәліметінше, емтиханды 3 577 үміткер тапсырады.
Түсу емтиханының КҮНІ, УАҚЫТЫ, ОРНЫ туралы ақпарат талапкердің testcenter.kz сайтындағы жеке кабинетінде «Менің іс-әрекетім» бөлімінде жарияланған.
Емтиханға қатысу құны — 21 072 теңге.
TOEFL ITP сертификаты бар тұлғалар емтихан басталғанға дейін ағылшын тілін білуге арналған қосымша тестілеуді (қосымша тестілеу) тапсырады.
Қосымша тестілеуді өткізу орны мен уақыты туралы ақпарат 5 тамызда талапкердің жеке кабинетінде қолжетімді болады. Қосымша тестілеуге қатысу құны — 14 162 теңге.
Түсушілер міндетті түрде ҚАЗТЕСТ сертификатын және шет тілін меңгергенін растайтын сертификат ұсынуы керек.
2024 жылы шет тілін меңгергенін растайтын сертификаттардың шекті деңгейі B1-ге дейін төмендетілді және тізімге TOEIC және Duolingo English Test сертификаттары енгізілді.
Докторантураға «магистр» дәрежесі және кемінде 9 (тоғыз) ай еңбек өтілі бар немесе медицина мамандықтары бойынша резидентурада оқу бітірген адамдар қабылданады.
Мемлекеттік білім беру тапсырысы бойынша және ақылы негізде докторантураға түсу үшін шекті балл — 75 балл.
