Құтқарушылар жеті адамды эвакуациялады.
ERNUR.KZ. Абай облысы Көкпекті ауданында ауа райының қолайсыздығынан жолдардың жабылуына байланысты көптеген автокөлік кептеліп қалды. Төтенше жағдай министрлігі көліктердің нақты санын атады: 100 жеңіл, 15 жүк көлігі және 1 автобус, деп жазады sputnik.kz.
Қазір олар қалың қар мен жолдың көрінбеуінен қозғалысты жалғастыра алмай тұр.
Кептеліс орнына облыстың төтенше жағдайлар департаментінің күштері мен құралдары жіберілді.
Қазіргі таңда құтқарушылар Көкпекті ауылына 7 адамды эвакуациялады. Медициналық көмек ешкімге қажет болмады.
Семей қаласынан қосымша жеке құрамның 25 адамы мен жүріп өту мүмкіндігі жоғары техника жөнелтілді.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
