Әйелін тірідей өлтіремін деп ізіне түскен ақмолалық қамауға алынды

ERNUR.KZ. Әйелін тірідей өлтіремін деп қорқытқан ақмолалық қамауға алынды, деп жазады ulysmedia.kz.

Полиция қызметкерлері жұбайына және оның отбасы мүшелеріне қауіп төндірген Көкшетау тұрғынының орналасқан жерін анықтады. Қазіргі уақытта ол қамауға алынды. Көкшетау қаласының полиция басқармасы Астана қаласының тұрғыны мен оның отбасы мүшелеріне жұбайының тарапынан қорқыту фактісі бойынша ҚР ҚК 115-бабы 1-бөлігі (қорқыту) бойынша қылмыстық іс қозғаған болатын. Жанжалқорды іздестіру бойынша жедел – іздестіру іс-шаралары барысында ағымдағы жылдың 2 сәуірінде полиция қызметкерлері оның Щучинск қаласында орналасқан жерін анықтады.

3 сәуірде Көкшетау қаласы әкімшілік сотының шешімімен бөтеннің мүлкін қасақана жойғаны немесе бүлдіргені үшін 34 жастағы бұзушыға 15 тәулік қамауға алу түрінде жаза тағайындалды. Қорқыту фактісі бойынша қылмыстық іс Көкшетау қ. Полиция басқармасының тергеу бөлімінің өндірісінде. Сонымен қатар, жұбайының отбасы мүшелері тарапынан бұзушыға қатысты келіп түскен басқа да өтініштер бойынша тексеріс жүргізілуде, дейді ПД ресми өкілі.

Еске салайық, бұл оқиға жайлы 2 сәуірде хабарлаған едік. Көкшетау тұрғыны бұрынғы күйеуінен құтылу үшін Астанаға көшуге мәжбүр болғанын айтты. Әйелдің сөзінше, ер адам олар ажырасқалы бері оны қудалап келеді.

Бұл жайында “НеМолчи” қоры хабарлады. Қор мәліметінше, ер адам әйелдің анасына аудио хабарламада жіберген.

“Айтпады демеңдер, мен оны тірідей бөлшектеп өлтіремін”, дейді ер адам.

Зорлық әрекеттері: көлік доңғалағын тескен, камераны сындырған

Постта келтірілген деректерге сүйенсек, ер адам әйелдің ата-анасының көлігінің дөңгелегін тескен, пәтерінің есігін көбікпен бітеп тастаған, бейнебақылау камераларын сындырған, сондай-ақ басқа да қорқыту әрекеттерін жасаған.