Ақмола облысында 6 жастағы қыздың іш киімін шешкен ер адам ұсталды

Ақмола облысы ПД баспасөз қызметінің мәліметінше, оқиға тамыздың 13-інде Целиноград ауданы аумағында болған.

«Осыған байланысты Қылмыстық кодекстің 120-бабы 4-бөлігі бойынша сотқа дейінгі тергеу жүргізіліп жатқанын хабарлаймыз. Күдікті ұсталды және уақытша ұстау оқшаулағышына қамалды. Тергеу шеңберінде бірқатар сараптамалар тағайындалды, қажетті тергеу шаралары жүргізіліп жатыр. Қылмыстық процессуалдық кодекстің 201-бабына сәйкес өзге де ақпарат жарияланбайды», - деп түсіндірді ПД баспасөз қызметінен.

Айта кетсек, әлеуметтік желіде тараған мәліметте күдікті Астана қаласының 2002 жылғы тұрғыны екені айтылады. Ол өзінің айуандық әркетін құрылысы салынып бітпеген тұрғын үйде жүзеге асырмақ болған.

Еске салайық, бұдан бұрын Ақмола облысында баланы мектепке қабылдамай қойғанын жазған едік.