Ақмола облысында жоғалған 14 жылқы суға батып кетті

Ақмола облысы, Ерементау ауданында 14 жылқы көлге батып кетті. Аттардың иесі 7,5 млн теңге шығынға батты, деп хабарлайды ERNUR.KZ polisia.kz-ке сілтеме жасап.

2021 жылдың желтоқсан айында 45 жастағы аудан тұрғыны полицияға жылқылардың жоғалғаны жөнінде шағым түсірген. Жылқылар 2-8 желтоқсан аралығында еркін жайылымда жүрген.

Шығын 7,5 млн теңгені құрады. Тергеу бөлімі аталған фактіні сотқа дейінгі тергеу бірыңғай реестріне 188-1 бап (Мал ұрлығы) бойынша енгізді. Жылқыларды үш ай бойы іздеген. 12 сәуір күні жылқылардың еттері Қызыл Сор көлінен табылды.

Мал қысқы уақытта мұздың астына құлап өлген. Қылмыстық іс тоқтатылды.