Ақтау әкімдігі жұмыс істемейтін әжетханалар үшін 87 млн теңге жұмсаған

0
567

Антикор материалдарды мемлекеттік аудит департаментіне жіберді.


Ақтау әкімдігі жұмыс істемейтін әжетханалар үшін 87 млн теңге жұмсаған

ERNUR.KZ. Маңғыстау облысы бойынша Сыбайлас жемқорлыққа қарсы қызмет департаменті Ақтаудағы қоғамдық әжетханаларға қатысты мемлекеттік сатып алуды зерделеп, модульдік әжетханаларды орнату бойынша орындалған жұмыстар актілеріне қол қою рәсімдеріндегі сәйкессіздіктерді анықтады, деп жазады azattyq-ruhy.kz.

Әлеуметтік желілерге мониторинг барысында Ақтау қаласының әкімдігі қалалық жағалауда 5 қоғамдық әжетхана орнатқаны белгілі болды. Бірақ тұрғындар әжетханаларды пайдалана алмауда.

«Тұрғын үй коммуналдық шаруашылық бөлімі жұмыстардың нақты орындалмағанына қарамастан, шартқа қол қойылғаннан кейін 2 күн өткен соң жеткізушіге 87 млн теңге көлемінде толық соманы аударған. Бұл факт ақпаратты есепке алу кітабына тіркелді және тиісті тексеру жүргізу үшін ішкі мемлекеттік аудит департаментіне жіберілді. Аудиторлық тексеру нәтижелері бойынша бұзушылықтар расталған жағдайда, заңда белгіленген тәртіппен шаралар қабылданатын болады», - делінген хабарламада.