Ақтаудағы жарылыс: зардап шеккен көлік иелері сараптама жасалмағанына шағымданды

ERNUR.KZ. Ақтаудағы жарылыстан бүлінген бірақ ресми тізімге енбей қалған көлік иелері келтірілген шығынды өтеу үшін сараптама жасауды сұрап отыр, деп жазады Tengrinews.kz.

Жарылыста ғимарат маңындағы көліктер ғана емес, жарылыс орнынан 120 метр қашықта орналасқан "Сұңқар" кооператив аумағында болған көліктер де бүлінген. Көліктердің бірінің иесі Эдуар Егоровтың айтуынша, полиция олардың шығынын әлі тіркемеген.

"Автокөліктің терезесі сынған, қалған бөлігі де зақымдалған. Жарылыстан ұшқан сынық көлікті зақмдаған. Ford F350 пикап көлігі Ақтауда сирек кездесетін көлік, жоқ. Қажетті бөлшектерді табу қиын. Сақтандырылған. Сондай-ақ, тағы бес көлік қирады. Біз шығынды кім өтейтінін білсек дейміз, бірақ полиция ешқандай түсініктеме берген жоқ. Бізге оқиға орнында жұмыс істеген бір ғана тергеуші келіп, келтірілген шығынды тек сот-медициналық сарапшы ғана бағалайтынын айтты", - дейді Эдуар Егоров.

Көлік иесі 7 қарашадан бері көліктерге сараптама жасалмағанын айтты. Алғашында сот-медициналық сарапшыны таң атқанша күту керегі айтылғанымен, 8 қарашада кешке қарай полицейлер шығынды жазбады.

Маңғыстау облысы ІІД баспасөз қызметі тікелей ғимарат маңында немесе жолда тұрған көліктерді эвакуациялағнын хабарлады. Бұл көліктер тергеу аяқталғанға дейін қосымша сараптама жүргізу үшін айыппұл тұрағына қойылған.

"Басқа бүлінген көліктер ғимараттың артқы жағында тұрды, оларды эвакуациялаған жоқпыз. Қазір тергеу-жедел тобы оқиға орнында әлі де жұмыс істеп жатыр. Барлық шығын тіркеледі", - деді полиция қызметкерлері.

Ведомство мәліметінше, көлік иелеріне келтірілген шығынды өтеу жауапкершілігі тергеу барысында анықталады.