Әлеуметтік желілерде елордалық №99 мектептен түсірілген видео тарады.
Бейнежазбадан кадрлар
ERNUR.KZ. Астанада киім ілетін жерде болған кептеліске байланысты мектеп директоры қызметінен босатылды. Елорда әкімдігінің хабарлауынша, оқушылардың бір жерге жиналуына сабақ кестесінің дұрыс жоспарланбауы себеп болған, деп жазады tengrinews.kz.
Кадрлар
Әлеуметтік желілерде елордалық №99 мектептен түсірілген видео тарады. Ролик авторларының айтуынша, онда оқушылар арасындағы кептеліс бейнеленген. Бұл жағдай балалар сырт киімдерін алуға келген кезде киім ілетін жерде болған.
Астана әкімдігі не дейді?
Біз ақпарат алу үшін елорда әкімдігінің баспасөз қызметіне жүгіндік. Қалалық әкімдік оқиғаның мән-жайын түсіндірді.
Мектептегі екінші ауысымның сабақ кестесіндегі үйлесімсіздік салдарынан жеті сыныптың оқушылары сабақ аяқталған соң бір мезгілде шыққандығы анықталды.
"Нәтижесінде сырт киім ілетін аймақта оқушылардың қысқа мерзімді жиналуы болды", - деп хабарлады баспасөз қызметі.
Әкімдіктің мәліметінше, болған оқиғаға байланысты мектеп директоры атқаратын қызметінен босатылды.
Баспасөз қызметі мектепте бақылау мен қызметкерлердің кезекшілігі күшейтілгенін, сонымен қатар оқушылардың қауіпсіз қозғалысын қамтамасыз ету үшін қосымша шаралар қабылданғанын мәлімдеді.
