Қалалық Төтенше жағдайлар департаменті бұл ақпаратты растады.
ERNUR.KZ. Астанадағы "7 бочек" тұрғын үй кешенінен өрт шықты, деп жазады inbusiness.kz.
"Бүгін сағат 13:34-те Сығанақ көшесі, 20 мекенжайындағы үйде өрт шыққаны туралы хабар келіп түсті. Өрт сөндірушілер келгенде 16-қабаттың сыртқы бөлігі өртеніп жатқаны анықталды. Сағат 14:08-де өрт толық сөндірілді", - деп жауап берді Төтенше жағдайлар департаментінің баспасөз қызметі.
Баспасөз қызметінің хабарлауынша, тілсіз жауды сөндіруге 25 адам және 5 техника жұмылдырылды.
