Батыс Қазақстанда көңілдесін өлтіруге тапсырыс берген экс-әкім бостандыққа шықты

07.11.2024 15:57

169

Жеңіс Серікқалиев жазасын өтеу кезінде тәртіп бұзбаған, жұмыс істеген, іс-шараларға қатысып, 15 рет мадақтау алған.

Фото: “Мой город”

ERNUR.KZ. Теректі ауданының бұрынғы әкімі Жеңіс Серікқалиев көңілдесін өлтіруге тапсырыс бергені үшін 11 жылға сотталған. Араға 8 жыл салып қалған өтелмеген жазасын шартты жазаға ауыстыруды сұрады, деп жазады stan.kz.

Теректі ауданының бұрынғы әкімі Жеңіс Серікқалиев өтелмеген жазаны шартты жазамен ауыстыру туралы өтініш берген. Серікқалиев сот тағайындаған 11 жылдың 8 жылын өтеді. Ол 2027 жылдың 14 наурызында бостандыққа шығуы керек еді. Алайда экс-шенеуніктің нақты жазасы шартты жазаға 2024 жылдың сәуір айында ауыстырылған. Бірақ бұл туралы қазір ғана белгілі болды.

Еске салайық, 2016 жылдың 23 ақпанында Теректі ауданының бұрынғы әкімінің көңілдесіне екі ер адам шабуыл жасап, көптеген пышақ жарақатын салған. Әйел аман қалып, Теректі ауданы тұрғын үй-коммуналдық шаруашылығы басқармасының басшысының жүргізушісін таныды. Сот барысында Теректі ауданының әкімі Жеңіс Серікқалиев досы тұрғын үй-коммуналдық шаруашылығының басшысы Қожамұратовқа көңілдесін өлтіруге тапсырыс берген. Өйткені экс-әкім мен оның көңілдесінің ортақ қызы бар екен. Әйел оны қызымен бопсалаған. Қожамұратов бұйрықты орындаушы болып, әйелді өлтіру үшін жүргізушісін 500 мың теңгеге жалдаған.