Беташардағы ене мен келіннің «тәтті сүйісі» елдің ашуына тиді

0
1 225

Той Қазақстанның қай қаласында және нақты қашан болғаны белгісіз.


Беташардағы ене мен келіннің «тәтті сүйісі» елдің ашуына тиді

фото: matritca.kz

ERNUR.KZ. Қазақстандағы тойлардың бірінде келіннің бетін ашқан үлкен енесі мен жас енесі оған шоколад беріп, бір жағын өздері тістеген. Бұл «дәстүрдің» видеосы әлеуметтік желіде таралып, халықтың ашуына тиген, деп жазады azattyq-ruhy.kz.

Видеоны әлеуметтік желіде Әзима есімді қолданушы таратқан. «Кім не біледі?» деп сұрақ қойған қолданушы тойдағы бұл дәстүрге қатты таң қалады.

Видеода көрініп тұрғандай, келіннің бетін ашқан үлкен кісі шоколадттың жартысын өз аузына салып, жартысын келінге тістетеді. Кейін бұл дәстүрлі келіннің жас енесі де қайталайды.

Желі қолданушыларының бірі «бұл дәстүр келін мен ененің ауызбіршілігі мықты болсын» деген ырым екенін айтса, енді бірі бұл қазақта мүлде болмаған салт екенін жазып, той иелерін қатты сынаған.