БҚО-да қорадағы 17 сиыр өртеніп кетті

ERNUR.KZ. Батыс Қазақстан облысында жек үйдің аумағында алапат өрт шықты. Тілсіз жау үш сағаттан кейін сөндірілді, деп жазады ҚазАқпарат.

«15 қаңтар күні сағат 02:08-де Батыс Қазақстан облысы Сырым ауданының Жымпиты кентінде жеке үй аумағындағы өрт туралы хабар келіп түсті. Аумағы 210 шаршы метр болатын мал қорасы отқа оранып, ондағы 17 сиыр қырылды», - деп хабарлады ҚР ІІМ Төтенше жағдайлар комитетінің ресми өкілі Нұрсұлтан Нұрахметов.

Тілсіз жау таңғы 4:35-те тоқтатылып, 5:15-те толық сөндірілген. Оған БҚО ТЖ департаментінің жеке құрамынан 12 адам мен 2 техника жіберілді.

«Төтенше оқиғадан адамдар зардап шеккен жоқ. Өрт себептері анықталып жатыр», - деді Н. Нұрахметов.