Бұл - БҚО аумағына ұшқышсыз ұшу аппараты құлаған төртінші жағдай.
Иллюстрация:depositphotos.com
ERNUR.KZ. Батыс Қазақстан облысының Жәнібек ауданында ұшқышсыз ұшу аппаратының сынықтарына ұқсас заттар табылды, деп жазады tengrinews.kz.
Облыстық Полиция департаменті ақпаратты растады.
"Батыс Қазақстан облысының Полиция департаменті уәкілетті органдармен бірлесіп, Жәнібек ауданында ұшқышсыз ұшу аппаратының бөліктеріне ұқсас заттарды табу дерегі бойынша тексеріс жүргізіп жатыр. Нысан елді мекендерден алыс жерде табылды. Оқиғаның барлық мән-жайы анықталып жатыр", - деп жазылған облыс полициясының хабарламасында.
Еске салайық, бұл - БҚО аумағына ұшқышсыз ұшу аппараты құлаған төртінші жағдай. 18 наурызда Тасқала ауданында үш метрлік құрылғы құлады. Ал 18 ақпанда Бөкей ордасы ауданының Ұялы кентінде осындай оқиға болды. Полиция соңғы оқиғаны 24 наурызда растады.
![](/assets/thumbnails/9d/9de21c765ddd3bac6caa131b8f65f060.jpg ""Өте көп қарғыс алған адаммын... Сол қарғыс бала-шағама тиді"")
![](/assets/thumbnails/96/96b2c9126416d9958904712a35ba6d2f.jpg ""Анам күнде кешірім сұрайды": қайтыс боп кеткен атасын кешіре алмаған қыз оның қатыгездігін айтып берді")
