Дана Орманбаеваны іздеумен Интерпол айналысып жатыр

0
218

Тергеу әрекеттері оның орналасқан жерін анықтауға бағытталған.


Дана Орманбаеваны іздеумен Интерпол айналысып жатыр

Фото:t.me/danapartner

ERNUR.KZ. Журналист Дана Орманбаеваны іздеумен Интерпол айналысып жатыр. Бұл туралы Мәжіліс кулуарында Бас прокурдың орынбасары Ғалымжан Қойгелдиев мәлім етті, деп жазады tengrinews.kz.

Бас прокурордың орынбасары оның Қылмыстық кодекстің 174-бабы – ұлттық араздықты қоздыру бойынша іздеуде екенін растады.

Тергеу әрекеттері оның орналасқан жерін анықтауға бағытталған. Бұл жұмыспен Интерпол айналысып жатыр.

"Оған 6 баппен халықаралық іздеу жарияланды, істің басым көпшілігі алаяқтық бабы бойынша. Оның нақты қайда екенін айта алмаймын. Бірақ әлеуметтік желілерде оның БАӘ-ден пікір білдіріп жатқаны жазылды. Бізде әзірге ондай ақпарат жоқ. Тергеу аяқталған соң, сот отырысы өте ма, жоқ па белгілі болады", – деді Ғалымжан Қойгелдиев.

Айта кетейік, Дана Орманбаеваға қатысты қылмыстық іс 2024 жылдың сәуірінде қозғалды. Іске әлеуметтік желілердегі жарияланымдар негіз болды.