Демалыс күндері ауа-райы 12 градусқа дейін төмендейді

ERNUR.KZ. 12-14 тамыз күндері оңтүстік циклонның және онымен байланысты атмосфералық фронталды бөліктердің өтуімен республиканың басым бөлігінде құбылмалы ауа райы сақталады. Елдің солтүстігінде, шығысында және орталығында нөсер жауын, бұршақ, 15-28 м/с екпіндегі жел болжанады, деп жазады ҚазАқпарат.

«Найзағай кезінде желдің күші артуы мүмкін. Елдің солтүстік-батысында, солтүстігі мен орталығында түнгі және таңертеңгі уақытта тұман күтіледі.

Қазақстанның батысында, солтүстік-батысы мен оңтүстігінде жоғары температурамен жауын-шашынсыз, ашық ауа райы сақталады. 12-13 тамызда Атырау облысының оңтүстік-батысында 42 градусқа дейін аптап ыстық сақталады.

Ал солтүстік, шығыс және орталық өңірлерде ауа температурасы күндіз 12-20 градусқа дейін төмендеуі мүкін. Еліміздің оңтүстік-шығысында температура 20-28-ге дейін төмендейді», - делінген хабарламада.