Денис Теннің өлімінен кейін алматылық полицейлердің жалақысын көтеру ұсынылды

23.07.2018 11:10

1 123

Аз айлыққа сонша барын салып жұмыс істеудің не керегі бар?

ERNUR.KZ.Алматы қаласы Қоғамдық кеңесінің отырысында Денис Теннің өлімінен кейін полицейлердің жалақысын көтеру туралы ұсыныс жасалды, деп жазады Tengrinews.kz.

Кеңес мүшелерінің бірі Әлібек Шәпенов қала тұрғындарының қауіпсіздігіне арналған отырыста құқық қорғау органдарының жалақысы аз – шамамен 120 мың теңге екенін айтты, сондықтан олардың қылмыстың бетін ашуға ниеті жоқ екен.

"Қазір полицияға қызметке келіп-кетіп жатқандар саны көп. Демалыссыз, мерекесіз қызмет етеді, олардың алаңдарда тұратынын көріп жүрміз. Бірақ бұл еңбек еленбейді. Тергеуші шамамен 120 мың теңге айлық алады, ал оның отбасы бар. Аз айлыққа сонша барын салып жұмыс істеудің не керегі бар? Әлеуметтік пакетті қайта қарауымыз керек, полицейлеріміз лайықты жалақы алуы керек", - деді Әлібек Шәпенов.