"Дикий Арманның" сыбайласы БАӘ-ден экстрадицияланды

0
138

Қазіргі уақытта күдікті Астана қаласындағы тергеу изоляторына қамалды.


фото:sputnik.kz.

ERNUR.KZ. "Дикий Арман" лақапатымен танылған қылмыстық топ басшысы А.Жұмагелдиевтің сыбайласы Біріккен Араб Әмірліктерінен экстрадицияланды, деп жазады sputnik.kz.
Бас прокуратура мен ішкі істер министрлігінің қызметкерлері Қазақстанның Біріккен Араб Әмірліктеріндегі елшілігінің қолдауымен Дубай қаласынан А.Жұмагелдиевтің қылмыстық тобының сыбайласы экстрадицияланды.
Ол 2022 жылғы 5-7 қаңтар аралығында Алматы қаласында Жұмагелдиевтің бандалық құрамында жаппай тәртіпсіздіктерге белсене қатысқан деген күдікке ілінді.
"Қылмыстар жасалғаннан кейін күдікті жасырынған және шамамен үш жыл бойы халықаралық іздеуде болған, кейіннен Біріккен Араб Әмірліктері аумағында ұсталған", деп жазылған хабарламада.
Қазіргі уақытта күдікті Астана қаласындағы тергеу изоляторына қамалды.
Оған тағылған қылмыстар бойынша 10 жылдан 15 жылға дейін бас бостандығынан айыру және мүлкін тәркілеу жазасы көзделген.