Қайғылы оқиға кезінде жәбірленуші екі досымен бірге болған.
ERNUR.KZ. Ақтауда 18 жастағы қыз екі досымен отырысы кезінде 4-шағын ауданда бесінші қабаттан секіріп кеткен, деп жазады stan.kz.
Оқиға 16 сәуір күні түнде орын алған. Куәгерлердің айтуынша, құлағаннан кейін қыз біраз уақыт шок күйінде болған. Тіпті тұруға тырысып, жедел жәрдем көмегінен бас тартқан. Дәрігерлер ауыр жарақат диагнозын қойып, жәбірленушіні Маңғыстау облыстық ауруханасына жеткізген.
"Жағдайы ауыр деп бағаланды. Науқас механикалық желдету арқылы тыныс алып жатыр. Диагноз: аралас жарақат, бас миының жабық жарақаты, мидың шайқалуы, кеуде қуысының жабық жарақаты, оң жақта қабырғаның жабық сынуы, оң жақта гемопневмоторакс, іштің жабық жарақаты, бауырдың жыртылуы, оң жақ мықын қанатының жабық сынуы, оң жақ білектің жабық сынуы", - деп хабарлады Маңғыстау облыстық ауруханасының баспасөз қызметі.
Қайғылы оқиға кезінде жәбірленуші екі досымен бірге болған. Куәгерлердің айтуынша, ол бесінші қабаттан құлаған.
Полиция департаменті қазір өз-өзіне қол жұмсауға дейін итермелеу фактісі бойынша қылмыстық іс қозғалғанын хабарлады.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
