Екібастұзда тағы бір ер адам жоғалып кетті

ERNUR.KZ. Екібастұзда тағы бір ер адам жоғалып кетті. Алексей Рыков 15 қазан күні үйінен шығып кетіп, содан оралмаған, деп жазады azattyq-ruhy.kz.

«1978 жылы туған Алексей Рыков 15 қазан күні таңертең сағат сегізде үйінен шығып кеткен. Бойы - 170-175 см. Көзі қоңыр. Қызыл спорттық костюм мен басына сұр кепка, қара кроссовки киген. Өзімен бірге телефоны болған», - дейді басқармада.

Тәртіп сақшылары ер адамның қайда жүргені туралы қандай да бір ақпарат болса, 102, 8(7187)75-06-06 нөмірі бойынша кезекшілік бөлімге немесе 75-05-45,75-05-54,75-05-99 нөмірі бойынша криминалдық полицияға хабарласуды сұрайды.

Естеріңізге сала кетейік, желі қолданушылары осыдан үш апта бұрын жұмбақ жағдайда жоғалып кеткен Денис Покотиленконы Ақсу мен Павлодарда, Баянауылда көргені жайлы жазған еді.