Елімізде доллардағы депозиттердің үлесі азайған

ERNUR.KZ. Үкімет отырысында Ұлттық банк төрағасы Ерболат Досаев доллардағы депозиттердің үлесі азайып бара жатқанын айтты, деп жазады inbusiness.kz.

«2021 жылдың қаңтарда депозиттердің долларландыру деңгейі 37%-ға жетіп, төмендеуді жалғастырды»,– деді Ұлттық банк төрағасы.

Ерболат Досаев биыл банктегі депозиттер 22,7 трлн теңгеге немесе 2,7%-ға өскенін жеткізді. Оның айтуынша, теңгемен сақталатын депозит үлесі артқан.

«Оның ішінде ұлттық валюта 3%-ға немесе 14 млрд 300 млн теңгеге, (өсім 415 млрд теңге), шетел валютасында 2%-ға немесе 8,4 трлн теңгеге (өсім 171 млрд теңге) өсті»,– деді төраға.